Ijtimoiy tarmoqlarda Xitoydan qaytayotgan futbol bo‘yicha O‘zbekiston milliy terma jamoasi delegatsiyasining samolyotdagi suratlari paydo bo‘ldi. Suratlarda delegatsiya a’zolari qarta o‘yini bilan bandligini ko‘rish mumkin.
Milliy terma jamoa a’zolari aks etgan suratlarni e’lon qilganlardan biri — “Tafsilot.uz” loyihasi muallifi Jamshid Niyozov shunday deb yozadi:
Kecha Xitoydan “qahramonlar”imiz bilan birga qaytdik. Yuz-ko‘zlaridan mag‘lubiyatdan zarracha qayg‘urish alomatlari ko‘rinmadi. Bemalol o‘ynab-kulib yurishibdi. Ko‘pchiligi bagaj-bagaj sovg‘a-salom olgan.Facebook’ning ko‘plab foydalanuvchilari futbolchilarning mag‘lubiyatdan keyingi bunday xatti-harakatlarini keskin qoralagan. Ayni vaqtda, JCh—2018 saralashida O‘zbekistonning so‘nggi o‘yindagi raqibi — Janubiy Koreya milliy termasi delegatsiyasining samolyotdagi holatidan olingan surat o‘zbekistonlik futbolchilarga namuna qilib ko‘rsatilgan.Samolyot salonida Marat Bikmayev boshchiligida milliy terma jamoaning bir qator a’zolari va xodimlari qartabozlik qilib ketishdi. Yurt futboli taqdiri, millat sporti sha’ni mana shularga ishonib qo‘yilganidan afsusdaman.
Jamshid Niyozov, “Tafsilot.uz” muallifi
Unda Janubiy Koreya milliy terma jamoasi delegatsiyasi bo‘lajak o‘yin yuzasidan tahlillar olib borayotgani aks etgan (qayd etish joiz, surat aynan qachon olingani ma’lum emas).
Eslatib o‘tamiz, O‘zbekiston milliy terma jamoasi 31-avgust kuni JCh—2018 saralashi doirasida safarda Xitoyga 0:1 hisobida imkoniyatni boy bergan edi. O‘yindan so‘ng terma sardori Odil Ahmedov “bunday yondashuv bilan Janubiy Koreyani mag‘lub etib bo‘lmas”ligini ta’kidlagan, agar so‘nggi o‘yinda Janubiy Koreyani mag‘lub eta olishmasa, “futbol o‘ynashni yig‘ishtirish kerak”ligini aytgan edi.
Izoh (0)