52 kilogrammgacha bo‘lgan vazn toifasida ringga chiqqan Jasurbek Latipov, hakamlar qaroriga ko‘ra, raqibiga 0:5 hisobida imkoniyatni boy berdi. Latipov umuman jangni yomon o‘tkazmadi, biroq so‘nggi raundda nokdaun holatiga tushib qoldi.
Ma’lumot uchun, Jasurbek Latipov 2013-yili bo‘lib o‘tgan boks bo‘yicha jahon chempionatida ham kumush medal sohibiga aylangan edi.
Jasurbek Latipovdan tashqari, o‘zbekistonlik yana uch bokschi — 49 kilogrammgacha bo‘lgan vazn toifasida Hasanboy Do‘stmatov, 64 kilogrammgacha bo‘lgan vazn toifasida Iqboljon Xoldorov va 69 kilogrammgacha bo‘lgan vazn toifasida Shahram G‘iyosov ham jahon chempionati finaliga chiqqan.
Ularning raqiblari ham kubalik bokschilardir. Latipovdan avval aynan Hasanboy Do‘stmatov o‘z jangini o‘tkazib, kubalik Yoannis Argilagosga imkoniyatni boy bergan edi.
Mavzuga doir: Ko‘z o‘rganmagan manzara: Mag‘lub Hasanboy
Izoh (0)