O‘zbekiston Birinchi Prezidenti Islom Karimovning Samarqand va Qarshi shaharlaridagi haykallari ochilish sanalari ma’lum bo‘ldi. Bu haqda O‘zbekiston Prezidenti Shavkat Mirziyoyev Islom Karimovning Toshkentdagi haykali ochilishida aytib o‘tdi.
Eslatib o‘tamiz, 31-avgust kuni Toshkentdagi Oqsaroy qarorgohi oldida O‘zbekiston Birinchi Prezidenti Islom Karimovning haykali ochilishi bo‘lib o‘tdi. Haykal muallifi — taniqli haykaltarosh Ilhom Jabborovdir.
2-sentabr kuni xayrli ishlarimizning davomi sifatida Islom Abdug‘aniyevich tug‘ilib voyaga yetgan, mangu orom topgan azim Samarqand shahrida ulug‘ Yo‘lboshchimizning haykali ochilishiga bag‘ishlangan marosim o‘tkaziladi.Shuningdek, Qarshi shahrida haykal o‘rnatish va Samarqand shahrida yodgorlik majmuasini barpo etish bo‘yicha boshlagan ishlarimizni to‘liq yakunlab, u kishining tug‘ilgan kuniga 80 yil to‘ladigan sana — 2018-yil 30-yanvarda tantanali ochilish marosimini o‘tkazamiz.
Shavkat Mirziyoyev, O‘zbekiston Prezidenti
Izoh (0)