Ўзбекистон Биринчи Президенти Ислом Каримовнинг Самарқанд ва Қарши шаҳарларидаги ҳайкаллари очилиш саналари маълум бўлди. Бу ҳақда Ўзбекистон Президенти Шавкат Мирзиёев Ислом Каримовнинг Тошкентдаги ҳайкали очилишида айтиб ўтди.
Эслатиб ўтамиз, 31 август куни Тошкентдаги Оқсарой қароргоҳи олдида Ўзбекистон Биринчи Президенти Ислом Каримовнинг ҳайкали очилиши бўлиб ўтди. Ҳайкал муаллифи — таниқли ҳайкалтарош Илҳом Жабборовдир.
2 сентябрь куни хайрли ишларимизнинг давоми сифатида Ислом Абдуғаниевич туғилиб вояга етган, мангу ором топган азим Самарқанд шаҳрида улуғ Йўлбошчимизнинг ҳайкали очилишига бағишланган маросим ўтказилади.Шунингдек, Қарши шаҳрида ҳайкал ўрнатиш ва Самарқанд шаҳрида ёдгорлик мажмуасини барпо этиш бўйича бошлаган ишларимизни тўлиқ якунлаб, у кишининг туғилган кунига 80 йил тўладиган сана — 2018 йил 30 январда тантанали очилиш маросимини ўтказамиз.
Шавкат Мирзиёев, Ўзбекистон Президенти
Изоҳ (0)