Dunyoning eng yirik oltita banki — Barclays, Credit Suisse, Canadian Imperial Bank of Commerce, HSBC, MUFG hamda State Street valyutaning yangi shaklini ishga tushirish harakati boshladi. Bu haqda Financial Times’ga tayanib, “Gazeta.ru” xabar berdi.
“Biz markaziy banklar va regulyatorlar bilan muzokalar olib bormoqdamiz va 2018-yilning oxiriga cheklangam miqdorda taqdim etish maqsadida kelgusi 12 oy davomida ham uni davom ettiramiz”, — dedi Shveysariyaning UBS banki Strategik investitsiyalar va innovatsion texnologiyalar markazi rahbari Xayder Jeffri.
Nashrning ta’kidlashicha, UBS va Clearmatics Technologies 2016-yilning avgustida yangi kriptovalyutani yaratgan bo‘lib, uni utility settlement coin deya atashgan. Loyihaga BNY Mellon, Deutsche Bank va Santander ham kelib qo‘shilgan. Banklar moliyaviy operatsiyalar samaradorligini oshirib, ularning yakuniy bosqichlarini tezlashtirishni niyat qilgan.
USC’ga o‘tish, tomonlar qimmatli qog‘ozlar bilan operatsiyalarni amalga oshirishi vaqtida an’anaviy mablag‘larning o‘tkazilishini kutib o‘tirmaydi, buning o‘rniga markaziy banklarda odatdagi pullarga almashtirib olish mumkin bo‘lgan kriptovalyutadan foydalanadi.
Izoh (0)