Сурия армияси ва «Ҳизбуллоҳ» ҳаракати Суриянинг Ливан билан чегарадаги ғарбий Каламун тоғли ҳудудини ИШИД жангариларидан озод қилди. Бу ҳақда «РИА Новости» хабар бермоқда.
«Шайх Али — Ар-Румият чегара ўтиш жойидан Абу-Камол шаҳри томонга охирги автобус жўнатилганидан сўнг Сурия армияси ва жангчиларимиз ИШИД жангариларидан ғарбий Каламунни тўлиқ озод қилди», — ҳикоя қилди агентликнинг «Ҳизбуллоҳ» ҳаракатига яқин манбаси.
Чегарадош ҳудудлардан террорчиларни чиқариб юбориш якунланганидан сўнг Ливан ИШИДдан буткул озод бўлди. Шу билан бирга, мамлакат махсус хизматлари бутун Ливан бўйлаб жангариларнинг яширин гуруҳларини аниқлаш ва йўқ қилиш бўйича тезкор тадбирларни ўтказишда давом этмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)