Birlashgan Arab Amirligidagi Al-Ayn hayvonot bog‘iga tashrif buyuruvchilar uchun yangi xizmat — sherlar bilan tushlik qilish xizmati taqdim etilmoqda, deb xabar berdi UAE Inside.
Hayvonot bog‘i vakillarining aniqlik kiritishicha, mazkur hududda alohida ahamiyatga ega besh yulduzli bufet quriladi, panjaralar ortida esa sherlar o‘z go‘shtlarini tanovul qilishlari mumkin bo‘ladi.
Ma’muriyat yangi xizmatni syurpriz qilmoqchiligi sabab, hozircha barcha tafsilotlar ma’lum emas. Vakillarning shama qilishicha, “yaqin kunlarda yana bir ko‘ngilochar xizmat — sherlarni o‘z qo‘llaringiz bilan oziqlantirish imkoniyati paydo bo‘ladi”. Afsuski, xavfsizlik qoidalari sabab bolalar ushbu xizmat turidan foydalana olmaydi.
Izoh (0)