Tergov germaniyalik tibbiyot xodimi Nils Xegelni 84 nafar bemorni o‘ldirishda gumonlamoqda. Bu haqda 28-avgust kuni Oldenburgda e’lon qilindi, deb xabar berdi Meduza.
Oldingi holatlardagi kabi, Xegel bemorlarda yurak yoki qon aylanish tizimida asoratlarni keltirib chiqaradigan dori vositalaridan foydalanganlikda gumonlanmoqda. Shundan so‘ng u hamkasblarining hurmatiga loyiq bo‘lish uchun bemorlarni davolagan, biroq doim ham ularning hayotini saqlab qola olmagan.
Politsiya yangi tibbiyot tekshiruvi doirasida uch yil ichida yuzdan ortiq tibbiy varaqalarni o‘rganib chiqdi va ekspertiza uchun yuzdan ortiq eksgumatsiyalarni amalga oshirdi.
Agarda sud tomonidan barcha bemorlarning o‘limi da’vosi tasdiqlanadigan bo‘lsa, bu Germaniya tarixidagi eng yirik qotilliklar seriyasiga aylanadi.
40 yoshli Xegel shundoq ham umrbod qamoq jazosini o‘tamoqda. U olti jinoyatda, jumladan, ikki nafar bemorni o‘ldirishda aybdor deb topilgan. Tergovlar davomida u yana o‘nlab qotilliklarni amalga oshirganini tan oldi.
Izoh (0)