Jangarilar Hindistonning Jammu va Kashmir shtatidagi politsiya lageriga hujum uyushtirdi. Oqibatda bir nafar politsiyachi halok bo‘ldi va olti nafari jarohat oldi. Bu haqda NDTV telekanaliga tayanib, “RIA Novosti” xabar berdi.
Jangarilar Pulvama shahrida joylashgan politsiya lageriga soat 04:30 da hujum qilgan. Ular politsiya binolaridan biriga bostirib kirib, o‘t ocha boshlagan, shuningdek, qo‘l granatalarini ham ishga solgan.
Shtat politsiyasi xodimlari va Markaziy politsiya zaxirasi kuchlari (CRPF) terrorchilar joylashgan binoni qurshab oldi. Ularni yo‘q qilish bo‘yicha operatsiyalar olib borilmoqda.
Izoh (0)