Futbol jurnalistlarini ochiqdan-ochiq haqorat qilayotgan O‘FF xodimi ishdan bo‘shatilishi talab qilinmoqda

O‘zbekiston futbol federatsiyasining xalqaro bo‘limida faoliyat ko‘rsatib kelayotgan Sherzod Igamberdiyev o‘zining Facebook sahifasida o‘zbekistonlik futbol jurnalistlarini navbatdagi bor haqorat qildi va ularni “qishloqi” deb atadi.

Gap bunda Qatar va Turkmaniston terma jamoalari o‘rtasidagi uchrashuvning yopiq eshiklar ostida o‘tgani haqida boradi. Sir emaski, xuddi shuningdek O‘zbekiston milliy terma jamoasi ham bugun — 25-avgust kuni Qirg‘iziston termasini yopish eshiklar ortida qabul qiladi va uchrashuvga muxlislarni ham, jurnalistlarni ham kiritmaydi.

Bunga qadar O‘FF vaziyat FIFA talabidan kelib chiqqani haqida bayonot bergan bo‘lsa, keyinroq bir qator futbol jurnalistlari buning haqiqatga zid ekanini isbotlab bergandi.

Igamberdiyev bunga qadar ham futbol jurnalistlarini bir necha bor Facebook sahifasi orqali haqorat qilgan. Shunga qaramay, odatda uning aytganlari noto‘g‘ri chiqib, jurnalistlar bildirgan fikr o‘rinli bo‘lib chiqadi.

Jumladan, Igamberdiyev O‘zbekiston Tailand bilan o‘ynamasligi haqida bong urib, bu haqda yozgan jurnalistlarni haqorat qilgandi, deb yozdi “Kun.uz” nashri. Oradan ko‘p o‘tmay o‘zbekistonliklar chindan ham Tailandga qarshi maydonga tushdi.

Tailandga qarshi o‘yin biz uchun foydali bo‘lmaydi deb hisoblagan jurnalistlar yana haqorat qilindi. Keyinroq bu haqiqat bo‘lib chiqib, Samvel Babayan jamoasi Eronga qarshi o‘yinda hech narsa qila olmadi. Igamberdiyev esa Babayanga haykal qo‘yishni taklif qildi.

Ғалати бўляпти, Президент давай журналистлар деса,Ченовниклар журналистларни окам дейишворяпти, танқид қилса, қишлоқи деб хақорат қилишяпти)

— Shuhratbek (@Almuniya_) August 24, 2017

Vitaliy Denisovning Qatarga qarshi o‘yinda maydonga tusha olmasligi haqida yozgan jurnalistlar ham haqorat qilingan bo‘lib, keyinroq Denisov chindan ham o‘yinga tushmagan. Bularning hech birida Igamberdiyev uzr so‘rashni o‘ziga ep bilmgan.

https://twitter.com/Shef_uz/status/900781443265294336

Mazkur mavzu yuzasidan bir qator sport jurnalistlari keskin fikr bildirdi. Keyinroq ular birlashib, O‘FF rahbariyatiga ochiq murojaat bilan chiqdi. Unga ko‘ra, Igamberdiyev yo rasmiy saytda barcha jurnalistlardan uzr so‘rashi kerak yoki bo‘lmasa ishdan bo‘shatilishi shart.

https://twitter.com/achchi_/status/900808672162525184

Avvalroq O‘FF vitse-prezidenti Sardor Rahmatullayev Xalqaro press-klubda chiqish qilib, O‘FF xodimining bu qiliqlari haqidagi savolga hech narsa bilmasligi haqida aytgan va bundan keyin bu kabi holatlar takrorlanmasligi, O‘FF shaffof ishlashi haqida bong urgandi.

Игамбердизода роса ўзидан кетибди.
Нодирхўжа билан тўлиқ согласенман шу сафар pic.twitter.com/PN1w4lBk9S

— Shuhrat Shokirjonov (@shokirjonov) August 24, 2017

Shunga qaramay, O‘FF futbol muxlislariga shaffof tashkilot ekanligini isbotlay olmayapti. Bunga qadar tashkilot o‘z nizomiga amal qilmay, O‘FF prezidentligi saylovining aniq sanasini belgilab qo‘yilganidan kech e’lon qilgandi. Shuningdek, hozirga qadar prezidentlik uchun nomzodlar nomi oshkor qilinmagan. Saylov esa 12-sentabr kuni bo‘lib o‘tadi.

Ayni paytda barcha futbol jurnalistlari Sherzod Igamberdiyev masalasida O‘FF bayonotini kutmoqda.