Google kompaniyasi Quyosh tutilishi bilan bir vaqtda yangi — Android 8.0 Oreo operatsion tizimini taqdim etdi, deb yozadi “Hi-tech.mail.ru”.
Yangi Android operatsion tizimiga bu safar ommabop Oreo pechenyesi sharafiga nom berishdi. Kompaniya blogida ta’kidlanishicha, u “har qachongidan ham ko‘ra aqlliroq, tezkorroq va kuchliroqdir”.
Tizim, xususan, “rasm ichida rasm” va avtoto‘ldirish kabi yangi funksiyalar bilan ta’minlangan. Shuningdek, uning himoya vositalari, ish tezligining oshishi va energiya iste’molining optimallashtirilishi yanada ishonchliroqdir.
Google Android 8.0 ni shu yilning mayida Google I/O konferensiyasida oldindan taqdim etgandi. Tizim fon rejimida ishlaydigan dasturlar uchun yangi cheklovlarga ega bo‘ldi, bu esa qurilma ishini yaxshilashga yordam beradi. Bundan tashqari, tizim dizayni biroz o‘zgartirilgan va ikonkalar uchun bildirishnomalar bor-yo‘qligini ko‘rsatuvchi belgichalar qo‘shilgan.
Izoh (0)