Йўқолиб қолган никоҳ узугини қайта қўлга киритган хитойлик бизнесмен беш минг кишига бепул угра улашди, деб ёзмоқда The South China Morning Post.
Гуанжоулик тадбиркор Чунцин шаҳрига севган қизига турмуш қуриш таклифи билан келган. У севган қизи учун оғирлиги уч карат бўлган олмос кўзли узукни 300 минг юанга сотиб олган. Бироқ узук солинган сумкани угра сотиладиган ошхонада унутиб қолдирган.
Ошхонага келганлардан бири сумкани топиб олиб, менежерга берган. Менежер эса уни ўз эгасига қайтарган. Эртаси куни у Чунцин шаҳри аҳолисининг яхшилиги унинг режасини амалга оширишга ёрдам берганини маълум қилган. У севган қизига узукни ҳадя қилган ва қиз турмушга чиқишга рози бўлган.
Буни нишонлаш учун бизнесмен ресторандан беш минг порция угра сотиб олган. Меҳмондорчилик учун ҳосил бўлган навбатнинг узунлиги 100 метрга етган.
Изоҳ (0)