Buxoro viloyati hokimi O‘ktam Barnoyev viloyat ijodkorlari bilan uchrashuv o‘tkazdi. Bu haqda “O‘zbekiston 24” telekanali xabar bermoqda.
Xabar berishlaricha, uchrashuvda rassomlar ijod namunalari namoyish etiladigan ko‘rgazmalar zali tashkil etish, viloyat musiqali drama teatri va viloyat qo‘g‘irchoq teatri moddiy-texnik bazasini yanada mustahkamlash, jurnalistlar o‘rtasida ijodiy ko‘rik-tanlov o‘tkazish, ijodkorlarni amaliy qo‘llab-quvatlash, sohadagi kadrlar mahoratini oshirish kabi takliflar atroflicha muhokama qilingan.
Viloyat hokimi bildirilgan har bir taklif va muammo atroflicha o‘rganilib, imkoniyat darjasida hal qilinishini qayd etdi.
“Masalan, viloyatda Ijodkorlar bog‘i barpo etilishi, teatr xodimlari uy-joy bilan ta’minlanishi ko‘zda tutilmoqda”, — deyiladi telekanal xabarida.
Izoh (0)