Fotogalereya: Consumer Reports nashri reytingi bo‘yicha eng ishonchli avtomobillar

Consumer Reports nashri navbatdagi reyting natijalarini e’lon qildi: unda amerikaliklar tomonidan kamida 320 ming kilometr masofa bosgan avtomobillari joy oldi, deb xabar berdi “Motor”.

Ford F-150

Reytingdan oxirgi o‘rin F-150 oilasiga nasib qildi. Yaqinda modelga dizelli dvigatel qo‘shilib yangilandi. Pikapning narxi 27,3 ming dollardan boshlanadi.

Toyota Highlander

Nashr tomonidan ushbu model o‘rta o‘lchamdagi eng yaxshi krossoverlardan biri deya topildi. Ushbu modelning yangilangan versiyasi Rossiyada joriy yilning boshidan 60 ming dollar atrofida sotila boshlagan.

Toyota 4Runner

4Runner yo‘ltanlamasi to‘rt litrli V6 motoriga ega. Uning narxi 34,2 ming dollardan boshlanadi.

Toyota Corolla

Consumer Reports nashriga ushbu sedanning qulayligi, salonida shovqinning kamligi ma’qul, biroq uni boshqaruv tizimi bundan ham yaxshiroq bo‘lishi mumkin edi.

Honda Civic

Ushbu model AQShda uchta ko‘rinishda taqdim etilgan: sedan, xetchbek va kupe. Hatto 320 kuchga ega vaarianti ham mavjud bo‘lib, uning narxi 33,9 ming dollardan boshlanadi.

Toyota Sienna

Consumer Reports jurnalistlari ushbu modelni qulayligi va salonining shovqinsizligi uchun maqtashsa, boshqaruv tizimi uchun so‘kishadi. AQShda ushbu model 29,7 ming dollar turadi.

Honda CR-V

Beshinchi avlod krossoveri AQShda 24 045 dollar turadi.

Toyota Prius

Consumer Reports o‘tgan yilda Prius’ni yangi avlodning eng tejamkor avtomobili deya topgan. Mashina 100 kilometr masofaga 4,52 litr yoqilg‘i sarflaydi.

Honda Accord

O‘tgan yilning kuzida paydo bo‘lgan Accord Consumer Reports nashrining reytingida ikkinchi o‘rinni egalladi.

Toyota Camry

Eng ishonchli mashinalar reytingining g‘olibi — Camry. Aynan ushbu model 320 ming kilometrdan ko‘proq masofa bosgan avtomobil sifatida ro‘yxatdan tez-tez o‘rin olgan. Yaqinda 300 kuchli V6 dvigateliga ega yangi Camry ishlab chiqarildi.