Consumer Reports nashri Chevrolet’ning 2016-yilda namoyish etilgan Bolt xetchbekiga tegishli sinov natijalarini e’lon qildi. Ushbu model nashr tarixidagi eng uzoqqa yuruvchi elektromobil deya topildi, u hatto Tesla’ning ikkida modelini ortda qoldirdi, deb xabar berdi “Motor”.
AQSh atrof-muhitni himoya qilish agentligi (EPA) natijalariga ko‘ra, modelning elektr zaxirasi 383 kilometrga yetadi. Ammo CR mutaxassislari quvvatlantirishsiz 402 kilometr masofani bosib o‘tishga muvaffaq bo‘ldi.
Tesla Model S’ning 75D modifikatsiyasi esa 378 kilometrni bosib o‘ta oladi, EPA ma’lumotlariga ko‘ra, uning zaxira harakatlanish quvvati 416 kilometrga teng. Shuningdek, Bolt Model S’ning ko‘rsatkichlaridan pastroq bo‘lgan Model X 90D krossoverini ham ortda qoldirdi.
Consumer Reportsning taxminlariga ko‘ra, Tesla Model S yoki Model X quvvati oshirilgan batareyalari bilan Chevrolet Bolt’dan o‘tib ketishi mumkin. Biroq ularning narxi 100 ming dollardan ortiq turadi, Bolt’ning narxi esa 37,5 ming dollardan boshlanadi.
Chevrolet Bolt 200 kuchga ega elektromotor hamda 60 kilovatt-soat sig‘imli litiy batareyalari bilan jihozlangan. Mashina 100 kilometr/soat tezlikka yetti soniyada erishadi. Uning elektr zaxirasi 320 kilometr. AQShda Bolt 2016-yilning eng yaxshi avtomobil deya topilgan.
Izoh (0)