Dunyodagi eng uzun daryolardan biri — Lena bo‘yida joylashgan Yakutsk o‘rtacha -40 daraja qishki havo haroratiga bardosh beradi. Bu harorat tufayli yuzaga kelgan tuman shaharni yutib yuboradi. ForumDaily Yerning eng sovuq nuqtasidagi suratlar bilan bo‘lishdi.
Rossiyalik fotograf va Instagram foydalanuvchisi Maksim Avdeyev Yakutskka safar qilib, u yerda bir muddat bo‘ldi. U olgan suratlar o‘ta og‘ir ob-havo sharoitiga ega bo‘lgan ushbu o‘lka hayoti haqidagi noyob ma’lumotlarni tadqim etadi.
Suratlar muallifi Maksim Avdeyev. U Forbes, Financial Times, Le Monde va boshqa ko‘plab taniqli nashrlar bilan ishlagan.
Sergey Vorobyov, 53 yosh. Lena daryosida kemasozlik zavodi yaqinida muzlab qolgan kema ostidagi muzni kesib olmoqda. U o‘z ishini yakunlashi bilan ta’mirlash va texnik xizmat ko‘rsatish uchun ishchilar yetib keladi. Jarayon 2—2,5 oy vaqt oladi.
Odatda yilning ushbu vaqtida havo harorati -50 darajagacha pasayadi. Hamma narsaga ko‘nikish mumkin. Bundan tashqari, issiq kiyim, shapka, tivit parka, qo‘lqoplar va mo‘yna muzlab qolgan ko‘chalarda halok bo‘lishdan asraydi.
Ko‘cha savdolari bu yer uchun odatiy hol. Yakutskliklarning bo‘sh vaqtini ochiq havoda — ov, baliq tutish yoki ko‘chada ishlash bilan o‘tkazishi... umuman olganda bu odatga aylangan.
Barcha kamchiliklarga qaramasdan, ochiq bozorda siz xarid qilayotgan go‘sht tegishli shart-sharoitlarda saqlanganiga ishonchingiz komil bo‘lishi mumkin. Hatto sovutkichlar bo‘lmasa-da, bu yerda yilning yetti oyida havo harorati noldan past, shuning uchun odatda ularga hojat yo‘q.
Biror joyga borishni rejalashtirsangiz shahar juda ichkarida joylashganligi, yaqin qishloq va meteostansiyalarga olib boruvchi yo‘llar esa tashlandiq ekanligini hisobga oling. Shuning uchun bunda sizga mahalliy aholining yordami kerak bo‘ladi.
Mahalliy aholi safarlar chog‘ida albatta o‘tin, kavsharlashda ishlatiladigan lampa, shuningdek, zaxira g‘ildiragi va ta’mirlash komplektini o‘zi bilan oladi. Shuning uchun, mabodo, avtomobil buzilib qolsa, tunni tashqarida o‘tkazishingizga to‘g‘ri kelmaydi.
Mahalliy aholi, ayniqsa, nenetslar (kichikroq shimoliy etnik guruh) orasida bug‘uchilik ommalashgan. Ular uchun bug‘u — bu taom, harakatlanish vositasi va kiyim. Hukumat ushbu an’anaviy faoliyat turini saqlab qolish uchun maxsus dasturlar ishlab chiqadi. Mart oyi oxirida katta bayram — Bug‘uchilar kuni nishonlanadi.
Izoh (0)