Дунёдаги энг узун дарёлардан бири — Лена бўйида жойлашган Якутск ўртача -40 даража қишки ҳаво ҳароратига бардош беради. Бу ҳарорат туфайли юзага келган туман шаҳарни ютиб юборади. ForumDaily Ернинг энг совуқ нуқтасидаги суратлар билан бўлишди.
Россиялик фотограф ва Instagram фойдаланувчиси Максим Авдеев Якутскка сафар қилиб, у ерда бир муддат бўлди. У олган суратлар ўта оғир об-ҳаво шароитига эга бўлган ушбу ўлка ҳаёти ҳақидаги ноёб маълумотларни тадқим этади.
Суратлар муаллифи Максим Авдеев. У Forbes, Financial Times, Le Monde ва бошқа кўплаб таниқли нашрлар билан ишлаган.
Сергей Воробёв, 53 ёш. Лена дарёсида кемасозлик заводи яқинида музлаб қолган кема остидаги музни кесиб олмоқда. У ўз ишини якунлаши билан таъмирлаш ва техник хизмат кўрсатиш учун ишчилар етиб келади. Жараён 2—2,5 ой вақт олади.
Одатда йилнинг ушбу вақтида ҳаво ҳарорати -50 даражагача пасаяди. Ҳамма нарсага кўникиш мумкин. Бундан ташқари, иссиқ кийим, шapkа, тивит парка, қўлқоплар ва мўйна музлаб қолган кўчаларда ҳалок бўлишдан асрайди.
Кўча савдолари бу ер учун одатий ҳол. Якутскликларнинг бўш вақтини очиқ ҳавода — ов, балиқ тутиш ёки кўчада ишлаш билан ўтказиши... умуман олганда бу одатга айланган.
Барча камчиликларга қарамасдан, очиқ бозорда сиз харид қилаётган гўшт тегишли шарт-шароитларда сақланганига ишончингиз комил бўлиши мумкин. Ҳатто совуткичлар бўлмаса-да, бу ерда йилнинг етти ойида ҳаво ҳарорати нолдан паст, шунинг учун одатда уларга ҳожат йўқ.
Бирор жойга боришни режалаштирсангиз шаҳар жуда ичкарида жойлашганлиги, яқин қишлоқ ва метеостанцияларга олиб борувчи йўллар эса ташландиқ эканлигини ҳисобга олинг. Шунинг учун бунда сизга маҳаллий аҳолининг ёрдами керак бўлади.
Маҳаллий аҳоли сафарлар чоғида албатта ўтин, кавшарлашда ишлатиладиган лампа, шунингдек, захира ғилдираги ва таъмирлаш комплектини ўзи билан олади. Шунинг учун, мабодо, автомобиль бузилиб қолса, тунни ташқарида ўтказишингизга тўғри келмайди.
Маҳаллий аҳоли, айниқса, ненецлар (кичикроқ шимолий этник гуруҳ) орасида буғучилик оммалашган. Улар учун буғу — бу таом, ҳаракатланиш воситаси ва кийим. Ҳукумат ушбу анъанавий фаолият турини сақлаб қолиш учун махсус дастурлар ишлаб чиқади. Март ойи охирида катта байрам — Буғучилар куни нишонланади.
Изоҳ (0)