Britaniyalik Deniz Anderxill Google Street View panoramasida 2015-yili qazo qilgan onasi Beril Tyortonning fotosuratini topib oldi. Bu haqda The Sun xabar bermoqda.
Onasining vafotidan so‘ng Anderxill Tamuort shahridan (Staffordshir grafligi) Floridaga (AQSh) ko‘chib o‘tgan edi. U servisdan o‘zining eski uyini ko‘rishda foydalanar edi. Bir kuni u panoramada gullarni sug‘orayotgan onasining suratini ko‘rib qoldi.
“O‘ylashimcha, kimdir buni ko‘rishimni xohlagan”, — deb bunga izoh berdi qiz.
Fevral oyida Tayvanning Chjanxua shahrida istiqomat qiluvchi Szya Szya U Google Street View panoramalaridan marhum buvasini topib olgan edi.
Izoh (0)