“Real” Alvaro Moratani 80 millionga sotdi. “Chelsi” uni eng qimmat ispaniyalikka aylantirdi

Madridning “Real” klubi Alvaro Moratani qo‘yib yuborishga qaror qildi va “Chelsi” taklifiga rozi bo‘ldi. Bu haqda “aristokratlar” matbuot xizmati rasman xabar berdi.

Londonliklar Alvaro Morata uchun 80 million yevrodan voz kechdi. Endi klub futbolchining o‘zi bilan shaxsiy shartnoma borasida kelishib oladi va ikki tomon shartnoma imzolaydi.

80 millionga baholangan Alvaro Morata eng qimmat ispaniyalikka futbolchiga aylandi. Bunga qadar rekord Fernando Torresga tegishli bo‘lib, “Liverpul” hujumchining orqasidan 58 million yevro ishlab olgandi.

Qizig‘i shundaki, ispaniyalik eng qimmat ikki futbolchiga bitta klub — “Chelsi” chiqim qilgan. Bungacha Fernando Torresning transferi o‘zini oqlamagandi. Endilikda Alvaro Morata londonliklar o‘zi uchun sarf qilgan pullarni oqlashga harakat qiladi.

Avvalroq Moratani Angliyaning boshqa bir klubi “Manchester Yunayted” ham qo‘lga kiritishga harakat qilib ko‘rgandi. Biroq Romelu Lukaku varianti o‘xshagach, “mankunianlar” Morata uchun kurashdan chiqqandi.