Авваллари қироллар мамлакатнинг биринчи даражали шахси сифатида қабул қилинган, бироқ барча қиролларнинг ҳам ақл-ҳуши жойида бўлган эмас. «Фотошедеври» шу каби телба қироллар ҳақида маълумот тўплаб тақдим этди.
Георг III
Фото: «Фотошедеври»
Одатда регентлар тахтни эгаллашга ёшлик қиладиган болалар учун тайинланади, бироқ Георг III’га ўз ўғли регентлик қилган. Мавжуд маълумотларга кўра, Буюк Британия парламентининг Америка ҳудудига эгалик қилиш учун зўриқиш билан кечган мажлисда фарзандининг бошини уриб ёришга ҳаракат қилган.
Таъкидланишича, монархнинг кўзлари ўша вақтда қонга тўлган, оғзидан эса кўпик келган. Унга порфирия билан биргаликда руҳиятнинг бузилиши ташхиси қўйилган. Унинг «жиннилиги» бир неча ой, кўриш қобилиятини йўқотгунига қадар давом этган. 1811 йилда уни яроқсиз дея топилган ва регент вазифасини эса унинг катта ўғли Георг эгаллаган.
Цинь Шихуанди
Фото: «Фотошедеври»Син империясига асос солган ушбу император параноид фикрлардан азият чеккан. У доим ўзини нимадир тақиб қилаётганидан қўрққан. Ҳатто у мамлакат бўйлаб сайрга чиққанида ҳам юзлаб аравалардан иборат кортеж ҳамроҳлигида юрган бирор жойда бир кечадан ортиқ қолмаган. Син Шихуанди «ёшлик эликсирини» қидириб топиш учун кўплаб экспедициялар ташкиллаштирган, бироқ шу каби экспедицияларнинг бирида жиддий касаллика чалиниб оламдан ўтган.
Иброҳим I
Фото: «Фотошедеври»Усмонийлар империясининг «Телба» лақабли султони Иброҳим I ўзининг ўта бебошлиги, исрофгарлиги, билимсизлиги ва бераҳмлиги билан ном қозонган. У ўз ўғлини ўлдириб юборишига бир бахя қолган. Тарихчиларнинг таъкидлашича, у ғазабга минганида хотин ва хизматкорларини оммавий равишда қатл уюштирган. У мамлакатни 8 йил бошқарган, бироқ ўзининг ўйламасдан қилган қилмишлари билан саройда тўнтаришга сабаб бўлган.
Генрих VI Ланкастер
Фото: «Фотошедеври»Ланкастерлар сулоласининг сўнгги вакили дея ҳисобланувчи Генрих VI Англия ва Франция қироли унвонига эга бўлган ягона қирол бўлган. Умуман олганда у бу унвонга туғилмасидан олдинроқ эга бўлган. Бироқ қирол 16 ёшга кирганида ҳам уни жиддий қабул қилишни исташмаган, чунки у ўзини ишончсиз тутган. Унинг телбалиги «Юз йиллик уруш»дан сўнг, Англия мағлубиятга учрагач кўзга ташлана бошлаган. Замонамиз олимлари у шизофрения билан оғриган дея ҳисоблайди.
Карл VI
Фото: «Фотошедеври»
Карл VI 12 ёшида, отаси ўлганидан сўнг 1380 йилда ҳокимият тепасига келган. 23 ёшида иситма билан оғриган қиролда телбалик аломатлари пайдо бўла бошлаган. У ақлини йўқотганида ҳеч кимни танимай қолган. Маълумотларга кўра уни ҳатто хавфсизлик учун қалъага қамаб ҳам қўйишган.
Изоҳ (0)