Toshkentning “Paxtakor” klubi gruziyalik mutaxassis Shota Arveladze bosh murabbiyligida birinchi norasmiy o‘yinida maydonga tushdi va Birinchi liganing “Lokomotiv-BFK” klubi darvozasiga 8 ta gol urdi. Bu haqda klub rasmiy sayti xabar berdi.
Bellashuvda Jasir Hakimov 3 ta gol urishga muvaffaq bo‘ldi. Isroillik Gidi Kanyuk “Paxtakor”dagi birinchi golini kiritdi.
Shota Arveladze ikki taymda ikki xil tarkibni maydonga tushirdi. Birinchisida asosiy tarkib futbolchilarini ko‘rish mumkin. Bunda “Paxtakor” 2 ta hujumchi bilan harakat qilgan. Ikkinchi bo‘limda esa qolgan futbolchilar saf tortgan.
O‘zbekiston milliy terma jamoasining asosiy darvozaboni Aleksandr Lobanov shu kuni 1-bo‘limda to‘p surdi. “Nasaf”dan olib kelingan Eldor Suyunov esa 2-taymda maydonga tushdi. Braziliyalik legioner hujumchi quyi liga klubi darvozasiga yo‘l topa olmadi.
Nazorat o‘yini “Paxtakor” stadioni 13-iyul, payshanba
“Paxtakor” — “Lokomotiv-BFK” 8:0
Gollar: Igor Sergeyev, 8 (1:0). Gidi Kanyuk, 9 (2:0). Azim Ahmedov, 17 (2:0). Suhrob Nurillayev, 41 (4:0). Jasur Hakimov, 52 (5:0). Doston Ibrohimov, 70 (6:0). Jasur Hakimov, 80 (7:0). Jasur Hakimov, 89 (8:0).Chetlatish: Ibrohim Yo‘ldoshev (P).
Izoh (0)