Тошкентнинг «Пахтакор» клуби грузиялик мутахассис Шота Арвеладзе бош мураббийлигида биринчи норасмий ўйинида майдонга тушди ва Биринчи лиганинг «Локомотив-БФК» клуби дарвозасига 8 та гол урди. Бу ҳақда клуб расмий сайти хабар берди.
Беллашувда Жасир Ҳакимов 3 та гол уришга муваффақ бўлди. Исроиллик Гиди Канюк «Пахтакор»даги биринчи голини киритди.
Шота Арвеладзе икки таймда икки хил таркибни майдонга туширди. Биринчисида асосий таркиб футболчиларини кўриш мумкин. Бунда «Пахтакор» 2 та ҳужумчи билан ҳаракат қилган. Иккинчи бўлимда эса қолган футболчилар саф тортган.
Ўзбекистон миллий терма жамоасининг асосий дарвозабони Александр Лобанов шу куни 1-бўлимда тўп сурди. «Насаф»дан олиб келинган Элдор Суюнов эса 2-таймда майдонга тушди. Бразилиялик легионер ҳужумчи қуйи лига клуби дарвозасига йўл топа олмади.
Назорат ўйини «Пахтакор» стадиони 13 июль, пайшанба
«Пахтакор» — «Локомотив-БФК» 8:0
Голлар: Игорь Сергеев, 8 (1:0). Гиди Канюк, 9 (2:0). Азим Аҳмедов, 17 (2:0). Суҳроб Нуриллаев, 41 (4:0). Жасур Ҳакимов, 52 (5:0). Достон Иброҳимов, 70 (6:0). Жасур Ҳакимов, 80 (7:0). Жасур Ҳакимов, 89 (8:0).Четлатиш: Иброҳим Йўлдошев (П).
Изоҳ (0)