Britaniyaning Press Association yangilik agentligi Google korporatsiyasidan Radar loyihasi doirasida 800 ming dollar oldi. Ushbu loyihadan ko‘zlangan maqsad yangilik yozuvchi robot yaratishdir, deb xabar beradi “Korrespondent.net”.
Aytilishicha, robot jurnalistlar mahalliy OAV uchun oyiga 30 mingdan ortiq yangiliklar yozadi. Loyiha starti 2018-yil boshiga mo‘ljallangan.
Hozir Radar ustida besh kishi ishlamoqda, ular tibbiyot, kriminal, bandlik va boshqa mavzulardagi yangiliklarni avtomatlashtirishga urinmoqda.
Radar mahalliy gazeta va saytlarga reklamadan tushadigan daromad yetishmovchiligiga qarshi choralar ko‘rishda yordam beradi.
Shu bilan birga, Radar butunlay odam jurnalistlardan voz kecha olmasligi aytilmoqda. Jurnalistlar yangiliklarni tahrirlashda va ularning yozilish algoritmlarini sozlashda davom etadi.
Izoh (0)