Islom Karimov fondi O‘zbekistonning Birinchi Prezidenti Islom Karimovning Qashqadaryo viloyat partiya komitetining birinchi kotibi bo‘lib ishlagan davridagi shaxsiy xotiralari bilan Facebook orqali bo‘lishdi. Bu haqda UZ24 xabar bermoqda.
Qashqadaryo viloyatida xalq meni hushyor bo‘lib emas, qandaydir befarq qabul qildi. Mendan oldin shu vazifada ishlagan odamlardan biri qaysidir nojo‘ya ishlarga javobgarlikdan qo‘rqib, o‘z joniga qasd qildi. Boshqasini esa qamoqqa olishdi. Ba’zi odamlar: “Yangi kelgan birinchi kotib xuddi avvalgilaridek bo‘lsa kerak”, deb aytishdi. Mening xayolimda kunu tun birgina fikr bor edi: odamlarning ishonchini qozonish. Va men buni uddalaganimdan baxtiyorman.Islom Karimov fondi, shuningdek, Birinchi Prezidentning Qashqadaryo viloyat partiya komitetining birinchi kotibi bo‘lib ishlagan davri (1986-1989 yillar)ga oid eksklyuziv kadrlarni ham taqdim etdi.Men uch yil viloyat komiteti binosidagi xonada yashadim. Uch yil tarki dunyolikda o‘tdi. Deyarli kunu tun ishladim. Kamtarlik bo‘lmasa ham aytaman: nimadirlar qilishga erishdim. 300 km yo‘l qurildi, bozorlar, choyxonalar va boshqa maishiy xizmat obyektlari. Aslida men uchun eng asosiysi, viloyatda hech kim Karimov noinsof odam deya olmaganidir. Aksincha, odamlar hozirgacha men haqimda insofli, vijdonli odam deb eslaydi. Bundan faxrlanaman!
Islom Karimovning xotiralaridan
Izoh (0)