Ислом Каримов фонди Ўзбекистоннинг Биринчи Президенти Ислом Каримовнинг Қашқадарё вилоят партия комитетининг биринчи котиби бўлиб ишлаган давридаги шахсий хотиралари билан Facebook орқали бўлишди. Бу ҳақда UZ24 хабар бермоқда.
Қашқадарё вилоятида халқ мени ҳушёр бўлиб эмас, қандайдир бефарқ қабул қилди. Мендан олдин шу вазифада ишлаган одамлардан бири қайсидир ножўя ишларга жавобгарликдан қўрқиб, ўз жонига қасд қилди. Бошқасини эса қамоққа олишди. Баъзи одамлар: «Янги келган биринчи котиб худди аввалгиларидек бўлса керак», деб айтишди. Менинг хаёлимда куну тун биргина фикр бор эди: одамларнинг ишончини қозониш. Ва мен буни уддалаганимдан бахтиёрман.Ислом Каримов фонди, шунингдек, Биринчи Президентнинг Қашқадарё вилоят партия комитетининг биринчи котиби бўлиб ишлаган даври (1986-1989 йиллар)га оид эксклюзив кадрларни ҳам тақдим этди.Мен уч йил вилоят комитети биносидаги хонада яшадим. Уч йил тарки дунёликда ўтди. Деярли куну тун ишладим. Камтарлик бўлмаса ҳам айтаман: нимадирлар қилишга эришдим. 300 км йўл қурилди, бозорлар, чойхоналар ва бошқа маиший хизмат объектлари. Аслида мен учун энг асосийси, вилоятда ҳеч ким Каримов ноинсоф одам дея олмаганидир. Аксинча, одамлар ҳозиргача мен ҳақимда инсофли, виждонли одам деб эслайди. Бундан фахрланаман!
Ислом Каримовнинг хотираларидан
Изоҳ (0)