Kanada hukumati o‘zini Afg‘onistonda amerikalik askarning o‘ldirilishida aybdor deb tan olib, Guantanamoda jazo muddatini o‘tagan sobiq mahbusga uzr aytib, tovon puli tariqasida 8 million dollar to‘lashni rejalashtirmoqda. Qamalgan paytida u 15 yoshda edi, deb xabar beradi “Gazeta.ru”.
The Guardian nashriga ko‘ra, sobiq mahbus Umar Xadr so‘roq qilinganida unga nisbatan ta’sir ko‘rsatishning taqiqlangan usullari qo‘llangan, bunga chiday olmagan o‘smir qilmagan jinoyati uchun aybni tan olgan.
Umar Xadr Kanadada tug‘ilgan bo‘lib, 2003-yili “al-Qoida” lageri qamal qilinganida asirga olingan edi. U Guantanamo qamoqxonasiga joylashtirilgan va bu yerdagi eng yosh mahbus bo‘lib, sakkiz yil davomida hukm o‘qilishini kutgan. 2010-yili u amerikalik askarning o‘ldirilishida aybdor deb topilib, sakkiz yillik qamoq jazosiga hukm qildi, ikki yildan so‘ng esa Kanadaga yuborildi va 2015-yili advokatlar apellyatsiyasi natijasida ozod qilindi.
Izoh (0)