Yaponiyaning ekonom-klassdagi Vanila Air aviakompaniyasi jismoniy imkoniyati cheklangan yo‘lovchini samolyot bortiga sudralib chiqishga majbur qildi, deb yozadi “RIA Novosti” Kyodo agentligiga tayanib.
Nogironlar aravachasida harakatlanadigan erkak Yaponiya janubidagi Amami shahrigacha chipta sotib olgan. Ro‘yxatga olish peshtaxtasida reysda mustaqil tarzda harakatlana olmaydigan kishilarga xizmat ko‘rsatish uchun sharoitlar yo‘qligidan xabar topgan. Unga: “Yura olmaydigan odam samolyot bortiga ham o‘tira olmaydi”, — deb aytishgan.
Uni qo‘llarida ko‘tarib olgan do‘sti yordamida erkak samolyot bortiga o‘tirishga muvaffaq bo‘lgan. Ortga qaytishda esa ekipaj unga bortga begona odamning yordami bilan chiqa olmasligini va buni mustaqil tarzda amalga oshirishi kerakligini aytgan. Erkak falaj oyoqlari bilan trapning 17 ta zinasidan sudralib chiqqan.
Ta’kidlanishicha, voqea OAVlar e’tiboriga tushgach, aviakompaniya yo‘lovchidan uzr so‘ragan.
Izoh (0)