Virus hujumi Chernobil AES radiatsiya foni monitoringini yurituvchi kompyuter tizimi o‘chirilishiga olib keldi. Bu haqda Meduza xabar bermoqda.
Windows boshqaruvidagi kompyuterlarni vaqtincha o‘chirishga majbur bo‘lindi, ishlab chiqarish maydoni radiatsiya monitoringini qo‘lbola usulda amalga oshirishga to‘g‘ri kelmoqda. Virus bilan zararlanish stansiya sayti ishdan chiqishiga olib keldi.
Shu bilan birga, ChAESning barcha tizimlari odatiy tarzda ishlayotgani, radiatsiya foni esa me’yordagidan oshmagani bildirilmoqda.
Eslatib o‘tamiz, oldinroq virus Ukrainada hukumat va o‘nlab kompaniyalar kompyuterlarini zararlagani ma’lum qilingandi. Petya virusi ekanligi taxmin qilingan mazkur xurujda Kiyev Rossiyani aybladi.
Izoh (0)