Aktrisa va BMTning qochoqlar ishi bo‘yicha maxsus vakili Anjelina Joli maktab o‘quvchilarini inson huquqlari uchun kurashishga chaqirdi. Bu haqda “Gazeta.ru” xabar bermoqda.
Londondagi Albert-xollda o‘zining erkinliklar haqidagi tushunchasini taqdim etish uchun 600 dan ortiq o‘quvchi to‘plandi. Tadbir oldidan ularga Jolining videomurojaati namoyish etildi.
“Bolalar, siz menga, barchamizga zarursiz. Biz, kattalar, hozir biroz sarosimadamiz. Biz hammasi nazoratimiz ostida ekanligi, barchasi yaxshi bo‘ladi, deb o‘ylashingizni istaymiz. Shunday bo‘ladi ham”, — ta’kidladi aktrisa.
Aktrisa BMTning bolalar huquqlari haqidagi konvensiyasini qonunlar to‘plamiga tenglashtirdi. Joliga ko‘ra, agar bolalar uni o‘qib-o‘rgansa, o‘zlari va do‘stlarini hech kim alday olmaydi.
Izoh (0)