Oshpazlar pichog‘i beso‘naqay ko‘rinsa ham aslida ehtiyot qilib ishlatishni talab qiladigan juda nozik narsa hisoblanadi. Bu o‘tkir yordamchilarimizning umrlarini anchaga uzaytiruvchi usullar bor.
Foto: Flickr
To‘g‘ri taxtalardan foydalaning
Faqat yog‘ochdan qilingan yoki plastik taxtalardan foydalaning. Shisha, po‘lat, sopol va toshdan qilingan ishlov beruvchi taxtalar oshxonada chiroyli ko‘rinadi, lekin ular pichoqlarning tig‘ini ayovsiz ravishda buzadi.
Pichoqni rakovina ichiga tashlamang
Pichoqlarni rakovina ichida qoldirmang va ular ustiga biror narsa yopishib qolgan bo‘lsa ham ivitib qo‘ymang. Birinchidan bu xavfli: boshqa idishlarni yuvishda qo‘llaringizni kesib olishingiz mumkin. Ikkinchidan, suv ichida uzoq vaqt turishi oqibatida pichoqlarning tig‘lari zanglab qolishi mumkin. Shuning uchun pichoqlarni ishlatib bo‘lganingizdan keyin tezda yuvib qo‘ying.
Pichoqlarni qo‘l bilan yuving
Pichoqlarni oqib turgan iliq suv ostida qo‘lingiz bilan yuving. Faqat yumshoq gubkadan va zarur bo‘lganda bir tomchi yuvish vositasidan foydalaning. Agar pichoqlarning tig‘lari tirnalishini xohlamasangiz hech qachon qattiq tozalovchi vositalarni va iste’mol sodasini ishlatmang. Pichoqlarni yuvganingizdan so‘ng quruq holatga kelguncha arting.
To‘g‘ri kesing
Oziq-ovqatlarni pichoqni yuqoriga ko‘tarib va keskin ravishda taxta ustiga tushirish yo‘li bilan maydalasangiz, pichoqlarning tig‘lari tez o‘tmaslashib qoladi. Kesishning pichoqni taxtadan ayirmasdan ishlatiladigan usullaridan foydalaning. Taxta ustidagi maydalangan mahsulotlarni olishda pichoqning tumtoq tomonini ishlating.
Pichoqlarni alohida saqlang
Pichoqlarni qoshiq va sanchqilar bilan bitta joyda saqlamang. Bu tig‘larning sinishiga va tirnalishiga olib keladi, shuningdek pichoqlarning boshqa oshxona anjomlariga tegib turishi tez o‘tmaslashib qolishiga sabab bo‘ladi.
Izoh (0)