Ошпазлар пичоғи бесўнақай кўринса ҳам аслида эҳтиёт қилиб ишлатишни талаб қиладиган жуда нозик нарса ҳисобланади. Бу ўткир ёрдамчиларимизнинг умрларини анчага узайтирувчи усуллар бор.
Фото: Flickr
Тўғри тахталардан фойдаланинг
Фақат ёғочдан қилинган ёки пластик тахталардан фойдаланинг. Шиша, пўлат, сопол ва тошдан қилинган ишлов берувчи тахталар ошхонада чиройли кўринади, лекин улар пичоқларнинг тиғини аёвсиз равишда бузади.
Пичоқни раковина ичига ташламанг
Пичоқларни раковина ичида қолдирманг ва улар устига бирор нарса ёпишиб қолган бўлса ҳам ивитиб қўйманг. Биринчидан бу хавфли: бошқа идишларни ювишда қўлларингизни кесиб олишингиз мумкин. Иккинчидан, сув ичида узоқ вақт туриши оқибатида пичоқларнинг тиғлари занглаб қолиши мумкин. Шунинг учун пичоқларни ишлатиб бўлганингиздан кейин тезда ювиб қўйинг.
Пичоқларни қўл билан ювинг
Пичоқларни оқиб турган илиқ сув остида қўлингиз билан ювинг. Фақат юмшоқ губкадан ва зарур бўлганда бир томчи ювиш воситасидан фойдаланинг. Агар пичоқларнинг тиғлари тирналишини хоҳламасангиз ҳеч қачон қаттиқ тозаловчи воситаларни ва истеъмол содасини ишлатманг. Пичоқларни ювганингиздан сўнг қуруқ ҳолатга келгунча артинг.
Тўғри кесинг
Озиқ-овқатларни пичоқни юқорига кўтариб ва кескин равишда тахта устига тушириш йўли билан майдаласангиз, пичоқларнинг тиғлари тез ўтмаслашиб қолади. Кесишнинг пичоқни тахтадан айирмасдан ишлатиладиган усулларидан фойдаланинг. Тахта устидаги майдаланган маҳсулотларни олишда пичоқнинг тумтоқ томонини ишлатинг.
Пичоқларни алоҳида сақланг
Пичоқларни қошиқ ва санчқилар билан битта жойда сақламанг. Бу тиғларнинг синишига ва тирналишига олиб келади, шунингдек пичоқларнинг бошқа ошхона анжомларига тегиб туриши тез ўтмаслашиб қолишига сабаб бўлади.
Изоҳ (0)