Yoz kelishi bilan uyda va hovlida chivinlarni qanday yo‘qotish masalasi juda aktual bo‘lib ketadi.
Uyda yoki hovlida chivinlardan qutulish bir tomondan qaraganda juda oson ko‘rinadi, ikkinchi tomondan esa – juda qiyin.
Biz sizga yozda chivinlardan qutulishning bir necha usullari haqida aytmoqchimiz:
- Agar har qanday 30-40 ml odekolonga 5-10 tomchi qalampir munchoq yoki arpabodiyon yog‘ini yoki valeryanka tomchilarini qo‘shsangiz, himoya qilish kuchi 0,5-1 soatga yetadigan repellent vositasiga ega bo‘lasiz.
- Xona yoki palatka ichiga chivinlar va pashshalar kirmasligi uchun issiq narsaning ustiga biroz o‘tkir hidli tez tarqaluvchi modda – kamfara quying. Uning bug‘lari uchadigan hasharotlarni qo‘rqitib yuboradi.
- Limon o‘t, sitronella va lavanda – chivinlarni yo‘qotishda yordam beruvchi ajoyib vositalar hisoblanadi. Jonga teguvchi hasharotlarni qo‘rqitish uchun hovliga yoki balkonga bu xushbo‘y o‘simliklarni ekishingiz mumkin.
- Yana bir g‘alati usul – suv solingan polietilen paketlar. Ularni xona ichiga ilib qo‘ysangiz nafaqat chivinlar, balki pashshalar ham qochadi.
- Chivinlar bilan kurashishda sarimsoq ham samarali vosita hisoblanadi. Aytishlaricha, chivinlarni ularning tarkibidagi odamdan ter orqali ajralib chiqadigan moddalar qo‘rqitar ekan. Sarimsoqli taomlarni yeyishingiz shart emas, ularning o‘rniga sarimsoq tabletkalaridan foydalansangiz ham bo‘ladi.
- Chivinlar chaqishidan qanday qutulish mumkin? Hasharotlar chaqishi natijasida qichishishni yo‘qotish uchun teri ustini nashatir spirti yoki iste’mol sodasi eritmasi (bir piyola suvga 0,5 ch. q.) bilan arting.
Izoh (0)