Britaniyalik arxeologlar Efiopiya sharqida milodgacha X asrda bunyod etilgan Xarla shahrini topdi. Ulkan insonlar shahri hisoblangan Xarlada XII asrga mansub masjid ham aniqlandi. Bu haqda “Korrespondent.net” xabar bermoqda.
Ekseter universiteti professori Timoti Insollga ko‘ra, mintaqaviy hunarmandlik va savdo markazi bo‘lgan shahar ahli bijuteriya va zargarlik buyumlari tayyorlashga ixtisoslashgandi.
Xarla Qizil dengizi, Hind okeani va hatto Arab ko‘rfazi mintaqasi davlatlari bilan savdo-sotiq olib borgan. Qazishma ishlari davomida topilgan buyumlar Madagaskar, Maldiv orollari, Yaman va Xitoydan olib kelingandi.
Oldinlari shahar xarobalari topilgan joy haqida yirik toshlardan tiklangan binolar tufayli bu yerda bahaybat odamlar istiqomat qilgani to‘g‘risida afsonalar to‘qilgandi.
“Biz buni, albatta, rad etdik, biroq bizga ishonishmadi, deb o‘ylayman”, — deydi professor Insoll.
Izoh (0)