Yoqutistondagi Shimoli-Sharqiy federal universitet xodimlari Janubiy Koreyaning Sooam Biotech Research Foundation tashkiloti tadqiqotchilari bilan hamkorlikda yoqut ovchi laykasi klonlarini yaratish bo‘yicha muvaffaqiyatli ish olib bordi, deb yozadi “AiF”.
2016-yil oxirida olimlar Yoqutistonda ushbu it zoti vakillari to‘qimalaridan namuna olgan edi, taxminan yarim yildan so‘ng esa klon kuchukchalarni Seulda yoqutistonlik olimlarga topshirishdi.
Kuchukchalarning rivojlanishi me’yor doirasidan tashqariga chiqqani yo‘q. Ular juda faol bo‘lib, o‘rganish qobiliyatini namoyon etmoqda.
Klonlarni jamoatchilikka 23-iyun kuni namoyish qilishga va’da berishmoqda.
Nashr ta’kidlashicha, Koreyaning Sooam instituti it va boshqa jonivorlar klonlashtiriladigan sayyoradagi yagona muassasa hisoblanadi.
Izoh (0)