Amerikalik va rossiyalik olimlar saraton kasalliklariga tashxis qo‘yish hamda davolashda qo‘llash mumkin bo‘lgan 22 nanometrli spazerni yaratdi. Bu haqda “Nauka” xabar bermoqda.
Mazkur plazmonli nanolazer oltin zarrasidan iborat rezonator, bo‘yoq modda — uranin bilan to‘ldirilgan qobiq va unga qoplangan foliyli ishqordan tashkil topgan. U organizmga kiritilganda saraton hujayrasi chegarasida to‘planadi va 10 daqiqada sitoplazmaga o‘tadi. Shu asnoda qiziy boshlaydi va uni turli optik uslublar yordamida osonlik bilan topsa bo‘ladi.
Spazerlar nafaqat saraton hujayralarini aniqlashi, balki yo‘q qilishi ham mumkin: ular kasal hujayraga kirib borganida uni o‘ldirmaydi. Biroq lazer nurlanish yordamida ta’sir ko‘rsatilsa, saraton hujayrasini ichidan tilka-pora qiladi. Spazer bunday nurlanish bo‘lishi yoki bo‘lmasligidan qat’iy nazar, sog‘lom hujayraga teginmaydi.
Hozirda tadqiqotchilar infraqizil yo‘nalishda ishlaydigan spazer ustida ishlamoqda. Shunda ayrim ko‘rsatkichlar, jumladan, to‘qimalar shaffofligini yaxshilash imkonyati tug‘iladi.
Izoh (0)