Estoniyaning Lyuksemburgdagi elchixonasi jahondagi birinchi virtual tashqi diplomatik idora bo‘ladi. Unda muhim ma’lumotlar bazalari va registrlar nusxalari saqlanadi, deb xabar beradi “TASS”.
“Biz bu jahondagi birinchi virtual elchixona ekanligidan juda faxrlanamiz. Estoniyaning virtual elchixonasi nafaqat texnologik sohada, balki xalqaro huquqda ham innovatsiyalarga olib keladi”, — dedi tadbirkorlik va axborot texnologiyalari vaziri Urve Palo, ushbu yangilikka izoh berarkan.
Kelishuv ikki mamlakat hukumat rahbarlari tomonidan 20-iyun kuni Lyuksemburgda bo‘lib o‘tadigan marosimda imzolanishi ko‘zda tutilmoqda.
Izoh (0)