LUKOIL Uzbekistan Operating Company MChJ xodimlari o‘rtasida uchinchi marta “Kasb bo‘yicha eng mohir” kasb tanlovini o‘tkazdi.
Buxoro viloyatidagi Qandim gazni qayta ishlash majmuasida uchinchi tanlovning finali bo‘lib o‘tdi.
18 aprel kuni “LUKOIL”ning Buxoro va Qashqadaryo viloyatlaridagi ishlab chiqarish obyektlari negizida saralash bosqichlarida g‘olib bo‘lgan O‘zbekistondagi “LUKOIL” ishlab chiqarish korxonalari ishchilari Qandimda yig‘ildi.
Bu gal elektr montyorlari va gaz-elektr payvandchilari o‘z kasbining eng mohir egasi nomi uchun bahslashdi.
Tanlovning finali ikki qismdan iborat bo‘lib, unda xodimlar ishlab chiqarish muammolarini hal qilish uchun zarur bo‘lgan nazariy va amaliy ko‘nikmalarni namoyish etish imkoniyatiga ega bo‘ldilar.
Keskin kurash natijalariga ko‘ra tanlov komissiyasi tomonidan g‘oliblar aniqlandi.
Elektr jihozlarini ta’mirlash va texnik xizmat ko‘rsatish bo‘yicha eng yaxshi elektromontyorlar – Qandim majmuasi xodimlari – Sattorov Sharofiddin va Saidov Akmal, eng yaxshi elektr va gaz payvandchisi – Xauzak gaz ishlab chiqarish sexida ishlovchi Pyotr Muxtulov topildi.
Tanlov g‘oliblari diplom va qimmatbaho sovg‘alar bilan taqdirlandi.
Biroq tanlov nafaqat eng professional, balki eng mehribon ishtirokchini ham aniqladi. Taqdirlash marosimining kutilmagan va ta’sirli lahzasi eng yaxshi elektr va gaz payvandchisi Pyotr Muxtulovning o‘zining munosib mukofotini Buxoro mehribonlik uyiga topshirish istagi bo‘lib, u nafaqat eng yaxshi kasbiy tajribaga ega ekanligini, balki qalbi ummon ekanini ham isbotladi.
O‘z kasbi bo‘yicha eng zo‘rlar, shuningdek, yuqori kasbiy mahorati uchun ish haqi mukofotlariga ega bo‘ladilar, bu esa Kompaniyaning boshqa xodimlariga o‘z malakalarini oshirish, kasbiy mahoratini yuksaltirishga intilish va o‘z ustida ishlash uchun rag‘bat bo‘ladi.
Bundan tashqari, eng yaxshi xodimlar yaqinda Perm (Rossiya) shahrida bo'lib o'tadigan LUKOIL Group professional mahorat tanlovida ishtirok etadilar.
“LUKOIL”dagi bunday tadbirlar xodimlarning kasbiy mahoratini doimiy ravishda oshirish, musobaqa ishtirokchilarining yutuqlari va ilg‘or tajribasini targ‘ib qilish hamda kadrlar salohiyatini mustahkamlashga qaratilgan kadrlar siyosatining ajralmas qismi hisoblanadi.
Reklama huquqi asosida.
Izoh (0)