Shu kunlarda Ar-Riyodda Islom taraqqiyot bankining yillik an‘anaviy yig‘ilishi bo‘lib o‘tmoqda. Tadbirda InfinBANK vakillari ham ishtirok etib, hamkorlikni yanada kengaytirish va moliyashtirish liniyalarini jalb qilish bo‘yicha muzokaralar o‘tkazmoqda.
Islom taraqqiyot banki (ITB) guruhining xususiy sektor vakillari, jumladan Islom investitsiyalar va eksport kreditlarini sug‘urtalash korporatsiyasi (ICIEC), Xususiy sektorni rivojlantirish bo‘yicha Islom korporatsiyasi (ICD) va Xalqaro islom savdo-moliya korporatsiyasi (ITFC) Islom taraqqiyot bankining yubileyini nishonlash maqsadida forum o‘tkazmoqda.
InfinBANK boshqaruvi raisining birinchi o‘rinbosari Baxtiyorjon Jo‘rayev Islom investitsiyalar va eksport kreditlarini sug‘urtalash korporatsiyasi (ICIEC), Xususiy sektorni rivojlantirish bo‘yicha Islom korporatsiyasi (ICD) va Xalqaro islom savdoni moliyalashtirish korporatsiyasi (ITFC) vakillari bilan uchrashuvlar o‘tkazdi.
Muzokaralar vaqtida hamkorlikni mustahkamlash, o‘zaro o‘sish va rivojlanishning yangi yo‘llarini o‘rganishga qaratilgan keng ko‘lamli mavzular muhokama qilindi. Shuningdek, ICIEC bilan savdoni moliyalashtirish sohasida hamkorlik qilish va bu yo‘nalishda hamkorlikni yanada rivojlantirish bo‘yicha kelishuvga erishildi.
“Forumda xalqaro kompaniyalar, moliya institutlari, Savdo-sanoat palatalari, xo‘jalik birlashmalari, investisiya agentliklari raislari va rahbarlari, yakka tartibdagi investorlar va tadbirkorlardan iborat 2500 dan ortiq ishtirokchi qatnashmoqda. Bunday tadbirlar B2B va B2G uchrashuvlarini osonlashtiradi, bu esa bizga muhim aloqalarni o‘rnatishimizga yordam beradi”, — deydi InfinBANK boshqaruvi raisining birinchi o‘rinbosari Baxtiyorjon Jo‘rayev.
Reklama huquqi asosida.
Izoh (0)