Kanadaning Surrey shahri politsiyachilari Twitter’da barchani qo‘rqitayotgan timsoh shina ekanligi haqida post yozib qoldirdi, deb yozadi Afisha Daily .
Yo‘l magistrali yoqasidagi ariqlardan biridagi timsoh haqidagi bir qator murojaatlardan so‘ng politsiya mazkur suratli xabarni joylashtirgan.
“O‘tgan dam olish kunlari yana bir guvoh qo‘ng‘iroq qilib, 17-shosse va 104-avenyu oralig‘idagi ariqda timsoh borligi haqida ma’lum qildi. U timsohga o‘xshaydi, lekin aslida yuk mashinasining shinasi”, — deya ta’kidlaydi politsiya.
O‘z navbatida, kapral Skotti Shuman barcha qo‘rqqan kishilarni Kanadada timsohlar yo‘qligiga ishontirdi.
“Yuz foiz ishonch bilan aytishim mumkinki, bu allaqanday qismlar. O‘tgan safar tekshirganimda timsoh va alligatorlar Britaniya Kolumbiyasidan topilmagan”, — deya ta’kidlaydi u.
Timsohlar Markaziy va Janubiy Amerika, Afrika, Avstraliya, Hindiston, Pokiston, Malayziya va Borneoda tarqalgan.
Izoh (0)