Birlashgan Arab amirliklarida bank mijozini tunagan ota-bola qamoqqa olindi. Bu haqda UAE Inside xabar bermoqda.
Gumonlanuvchilar hodisadan 24 soat o‘tib, hibsga olindi. Ular bank bo‘limida naqd pul olayotgan kishini kuzatib, uni tunashning antiqa usulini topdi.
Ota erkakka yaqinlashdi va undan amirliklar puli qanday bo‘lishini ko‘rsatishni so‘radi. Ishonuvchan erkak 70 ming dirham (19 ming dollar) bo‘lgan bir pachka pulni yaxshiroq ko‘rib olishi uchun noma’lum shaxsga uzatdi.
Talonchi pularni bir muddat ko‘zdan kechirgan bo‘lib, so‘ng qaytarib berdi va g‘oyib bo‘ldi. Mijoz ularni qayta hisoblaganida orasidan 24 ming dirham (6,5 ming dollar) kam chiqdi.
Politsiya jinoyatchi otani Sharjada qo‘lga oldi. Uning o‘g‘lining vazifasi talonchilik uchun tanlangan jabrdiydalarni kuzatish va bank qo‘riqchilarini chalg‘itishdan iborat bo‘lgani aniqlandi.
Izoh (0)