Amerikalik reper, Diddy taxallusi bilan ijod qiluvchi (eski taxallusi — Puff Daddy) Shon Kombs bir taqvim yili davomida 130 million dollar ishlab topdi va bu ko‘rsatkich bo‘yicha boshqa mashhurlar orasida jahonda birinchi o‘rinni egalladi. Eng ko‘p pul topuvchi yulduzlarning yangi reytingini Forbes jurnali e’lon qildi, deb xabar beradi “TASS”.
Ko‘rsatilgan mablag‘ning 70 million dollarlik qismini reper kiyim-kechak kolleksiyalari sotuvlaridan ishlagan. Qolgan qismi esa unga Britaniyaning alkogol ishlab chiqaruvchi Diageo giganti reklamasi, shuningdek, konsertlar chiptalaridan tushgan mablag‘dan to‘langan.
Ikkinchi o‘rinni 105 million dollar ko‘rsatkich bilan amerikalik pop yulduz Beyonce egalladi. Joriy yilda unga eng katta daromad keltirgan tadbirlar Formation turi va Lemonade albomi bo‘ldi.
Keyingi o‘rinlarni Garri Potter haqidagi kitoblar muallifi Joan Rouling (95 million dollar), kanadalik qo‘shiqchi Dreyk (94 million dollar) va “Real” futbolchisi Krishtianu Ronaldu (93 million dollar) egalladi.
Shou-biznesning eng ko‘p haq oluvchi yuz vakilining umumiy daromadi hisobot davrida 5,15 milliar dollarni tashkil qildi.
Izoh (0)