Centrum Air aviakompaniyasi o‘z havo kemalari parkini kengaytirishda davom etmoqda va yangi Airbus A320neo (UK32075) samolyotini qabul qilgani haqida xabar berdi. Bu — aviakompaniya flotidagi to‘qqizinchi hamda Neo oilasiga mansub to‘rtinchi samolyot (ekspluatatsiyada bo‘lgan ikkita A321neo va bir dona A320neo’dan qo‘shimcha ravishda).
A320neo (new engine option) modeli — mashhur tor fuzelyajli laynerning takomillashtirilgan namunasi bo‘lib, ekologiklik va samaradorlikka asosiy urg‘u berilgan. CFM kompaniyasining yangi avlod LEAP-1A dvigatellari tufayli bu samolyot avvalgi A320ceo modeliga nisbatan yo‘lovchi-kilometriga 20% gacha kam yoqilg‘i sarflaydi. Bu esa yiliga har bir samolyot uchun CO₂ chiqindilarini qariyb 5 000 tonnaga kamaytirishga yordam beradi.
Boshqa ekologik afzalliklar qatorida:
NOx (azot oksidlari) chiqindilarining sezilarli darajada kamayishi;
shovqinning 50% gacha pasayishi, bu ayniqsa ekologik talablari yuqori bo‘lgan aeroportlar uchun muhim;
50% gacha SAF (barqaror aviatsiya yoqilg‘isi) ishlatish uchun sertifikatlangan va kelajakda 100% SAF’ga o‘tish imkoniyati mavjud.
Shu tariqa, yangi A320neo kompaniyaning barqaror rivojlanish strategiyasining bir qismiga aylandi va aviatsiya sanoatida uglerod izini kamaytirish yo‘lidagi yana bir qadam bo‘ldi.
«Neo oilasiga mansub yana bir samolyotning kelib qo‘shilishi barqaror o‘sish strategiyamizni tasdiqlaydi. Biz nafaqat flotni kengaytirishga, balki zamonaviy va ekologik yechimlarni joriy etishga ham intilamiz», — deyiladi Centrum Air matbuot xizmati xabarida.
Yangi Airbus A320neo tez orada aviakompaniya yo‘nalishlari bo‘yicha parvozlarni boshlaydi. Chiptalar www.centrumair.com saytida mavjud.
Reklama huquqi asosida
Izoh (0)