TBC Bank va “Sharq Ayoli” Xalqaro Ayollar Jamg‘armasi xayriya tashabbusi natijalarini e’lon qildi. Unga ko‘ra, Toshkent viloyatidan 800 nafar ayol tadbirkor onlayn biznes asoslari va biznesda sun’iy intellekt imkoniyatlari bo‘yicha o‘quv kurslarini tamomladi. Ushbu loyiha O‘zbekiston Respublikasi Vazirlar Mahkamasi huzuridagi Oila va xotin-qizlar qo‘mitasining ko‘magi bilan amalga oshirildi.
-xf-yy_w0.avif)
Xalqaro xotin-qizlar kuni arafasida TBC Bank Brand Analytics xizmati yordamida ochiq manbalarda ayollarga bag‘ishlab yozilgan tabriklar sonini aniqladi. Har bir tabrik — jami 191 412 ta — 1 000 so‘mdan hisoblanib, qishloq hududlaridagi ayollarning iqtisodiy faolligini oshirish hamda ularni raqamli texnologiyalardan samarali foydalanishga o‘rgatish maqsadida tadbirlar tashkil qilish uchun Sharq Ayoli fondiga jami 191 412 000 so‘m mablag‘ ajratildi.
TBC Bank marketing direktori Nodira Shermatova:
“Biz raqamli ko‘nikmalar va moliyaviy savodxonlik ayollarning iqtisodiy mustaqilligiga olib boruvchi asosiy omillar ekaniga ishonamiz. “Sharq Ayoli” jamg‘armasi bilan hamkorligimiz kichik shahar va qishloqlardagi ayollarga yangi bozorlarga chiqish hamda raqamli vositalardan yirik kompaniyalar kabi ishonch bilan foydalanish imkonini beradi”.
Uchrashuvlar Nurafshon shahri hamda Toshkent viloyatining Piskent, Qibray, Parkent, Oqqo‘rg‘on, Quyichirchiq, O‘rtachirchiq va Yuqorichirchiq tumanlarida o‘tkazildi
Trening davomida ishtirokchilar elektron tijorat asoslari, ijtimoiy tarmoqlarda biznes yuritish, talabni tahlil qilish va zaxiralarni boshqarishda sun’iy intellektdan foydalanish usullari bilan tanishishdi. Bundan tashqari, har bir qatnashchi quyidagilarga ega bo‘ldi:
- moliyaviy boshqaruv va hujjat aylanishi bo‘yicha CFO.UZ platformasi bilan ishlash yo‘riqnomasi;
- Hovlee onlayn platformasi orqali o‘z mahsulot va xizmatlarini taqdim etish imkoniyati;
- moliyaviy savodxonlik va biznes uchun bank xizmatlari bo‘yicha maslahatlar.
Trening ishtirokchisi, “Cake Shop” qandolat maxsulotlari bilan ta’minlash do‘koni egasi Feruza Usmonova:
“Olti yil avval o‘z ish faoliyatimni boshlamoqchi bo‘lganimda kichik biznesni qo‘llab-quvvatlash tizimi hali endi shakllanayotgan edi. Kichik bizneslar uchun kreditlar deyarli mavjud emasdi. Treningda men kredit olish jarayoni endi ancha oson, ochiq va qulay bo‘lganidan xabardor bo‘ldim. Bugun o‘z biznesini boshlamoqchi bo‘lganlar uchun imkoniyatlar juda ko‘p”.
Trening ishtirokchisi, Nurafshondagi tadbirkorlik markazi rahbari va “Shabnam Mohigul” fitnes klublari egasi Mohigul Arzikulova:
“Bizda ko‘pincha hujjat ishlari bilan shug‘ullanishga vaqt bo‘lmaydi. Kredit olish uchun hujjat tayyorlash, navbat kutish, turli talablar — bularning barchasi ko‘p vaqt va kuch talab qiladi. TBC Business ushbu jarayonni soddalashtirgan, bu ayniqsa oila va ishni birga olib borayotgan ayollar uchun juda muhim, chunki ularning har bir daqiqasi hisobda”.
Tashabbus TBC Bank tomonidan tadbirkorlikni rivojlantirish va moliyaviy resurslardan foydalanishda gender tengsizlikni kamaytirish yo‘lida olib borilayotgan dasturining mantiqiy davomidir. 2024-yil noyabr oyida bank gender tengligi bo‘yicha dunyodagi eng yirik Global Gender-Smart Fund’dan ayollar biznesini rivojlantirish uchun kredit jalb qildi. 2025-yilning birinchi choragida esa 36 ming nafar ayol TBC Bank orqali o‘z biznesini boshlash uchun kredit olgan.
Reklama huquqi asosida.
Izoh (0)