Futbol bo‘yicha jahonning amaldagi chempioni Germaniya terma jamoasi JCh—2018 saralashining 6-turini ham o‘z foydasiga hal qildi. Ioxim Lyov jamoasi bu bilan yuz foizlik natija qayd etib turibdi.
Nyurnberg shahrida San-Marino termasini qabul qilgan nemislar 7:0 hisobida zafar quchdi. Tomonlarning birinchi uchrashuvida 8:0 hisobi qayd etilgandi.
Germaniya ortda qolgan olti tur davomida 27 ta gol urishga muvaffaq bo‘ldi va faqatgina 1 marta — Ozarbayjondan gol o‘tkazib yubordi.
Bokudagi o‘yinning so‘nggi daqiqasida gol urishga muvaffaq bo‘lgan Shimoliy Irdandiya termasi esa pley-off yo‘llanmasi uchun dadil qadam tashlay oldi. Tomonlarning Belfast shahrida kechgan o‘yinida ozarbayjonliklar o‘z darvozasidan javobsiz 4 ta gol o‘tkazib yuborgandi.
JCh—2018. Saralash “C” guruhi. 6-tur 10-iyun, shanba
Ozarbayjon — Shimoliy Irlandiya 0:1
Gol: Styuart Dallas, 90+2 (0:1).Germaniya — San-Marino 7:0
Gollar: Yulian Draksler, 11 (1:0). Sandro Vagner, 16 (2:0). Sandro Vagner, 29 (3:0). Amin Yunes, 38 (4:0). Shkodran Mustafi, 47 (5:0). Yulian Brandt, 72 (6:0). Sandro Vagner, 85 (7:0).Norvegiya — Chexiya 1:1
Gollar: Teodor Gebre Selassiye, 36 (0:1). Aleksandr Sederlunn, 55-pen (1:1).
Izoh (0)