Футбол бўйича жаҳоннинг амалдаги чемпиони Германия терма жамоаси ЖЧ—2018 саралашининг 6-турини ҳам ўз фойдасига ҳал қилди. Иохим Лёв жамоаси бу билан юз фоизлик натижа қайд этиб турибди.
Ньюрнберг шаҳрида Сан-Марино термасини қабул қилган немислар 7:0 ҳисобида зафар қучди. Томонларнинг биринчи учрашувида 8:0 ҳисоби қайд этилганди.
Германия ортда қолган олти тур давомида 27 та гол уришга муваффақ бўлди ва фақатгина 1 марта — Озарбайжондан гол ўтказиб юборди.
Бокудаги ўйиннинг сўнгги дақиқасида гол уришга муваффақ бўлган Шимолий Ирдандия термаси эса плей-офф йўлланмаси учун дадил қадам ташлай олди. Томонларнинг Белфаст шаҳрида кечган ўйинида озарбайжонликлар ўз дарвозасидан жавобсиз 4 та гол ўтказиб юборганди.
ЖЧ—2018. Саралаш «C» гуруҳи. 6-тур 10 июнь, шанба
Озарбайжон — Шимолий Ирландия 0:1
Гол: Стюарт Даллас, 90+2 (0:1).Германия — Сан-Марино 7:0
Голлар: Юлиан Дракслер, 11 (1:0). Сандро Вагнер, 16 (2:0). Сандро Вагнер, 29 (3:0). Амин Юнес, 38 (4:0). Шкодран Мустафи, 47 (5:0). Юлиан Брандт, 72 (6:0). Сандро Вагнер, 85 (7:0).Норвегия — Чехия 1:1
Голлар: Теодор Гебре Селассие, 36 (0:1). Александр Седерлунн, 55-пен (1:1).
Изоҳ (0)