O‘zbekiston tashqi ishlar vaziri Abdulaziz Komilov diplomatik aloqalar o‘rnatilganining 25 yilligi munosabati bilan norvegiyalik hamkasbi Borge Brendega tabrik yo‘lladi. Bu haqda TIV matbuot xizmati xabar bermoqda.
Abdulaziz Komilovning ta’kidlashicha, O‘zbekiston “Norvegiyaga Yevropadagi istiqbolli hamkor sifatida qaraydi va u bilan har tomonlama va o‘zaro manfaatli hamkorlikni rivojlantirishga katta ahamiyat beradi”.
O‘zbekiston Norvegiya bilan siyosiy muloqot, parlamentlararo hamkorlik, iqtisod va sanoat, hamda ilg‘or texnologiyalar, madaniyat va san’at sohalarida hamkorlikni yanada mustahkamlashni ko‘zlaydi.Aminmanki, hurmat va o‘zaro manfaatlarni inobatga olishga asoslangan O‘zbekiston—Norvegiya munosabatlari xalqlarimiz farovonligi va manfaatlari uchun rivojlanishda davom etadi.
Abdulaziz Komilov, O‘zbekiston tashqi ishlar vaziri
Izoh (0)