Namanganda profilaktika kuni targ‘ibotning turli vositalaridan foydalanishga e’tibor berilmoqda. Jumladan, Yangiqo‘rg‘on tumanida madaniyat bo‘limi qoshidagi Xalq teatri tomonidan “Firibgar” spektakli namoyish etilmoqda. Bu haqda “Daryo”ga tuman hokimligi axborot xizmati ma’lum qildi.
Inomjon Tursunov asari asosida sahnalashtirilgan va yoshlar o‘rtasida jinoyatchilik, huquqbuzarlikning oldini olish, giyohvandlik, firibgarlikka qarshi kurashga bag‘ishlangan spektakl Yangiqo‘rg‘on aloqa va kompyuter texnalogiyalari kasb-xunar kollejida “Nurafshon” mahallasi ahli hamda yoshlar hukmiga havola etildi.
O‘tkazilgan tadbirda 400 dan ziyod kishi ishtirok etdi va ular tomonidan spektakl qiziqish bilan kutib olindi.
Xabar berishlaricha, “Firibgar” 8-iyul kuniga qadar tuman qishloqlari hamda Yangiqo‘rg‘on shaharchasida namoyish etiladi.
Izoh (0)