Qozog‘iston prezidenti Nursulton Nazarboyev ShHTga a’zo davlatlar mudofaa vazirlarini qabul qildi. Bu haqda “Kazinform” xabar bermoqda.
Uchrashuvda O‘zbekiston, Qozog‘iston, Xitoy, Qirg‘iziston, Rossiya va Tojikiston mudofaa vazirlari hamda ShHT bosh kotibi Rashid Alimov ishtirok etdi.
Qozog‘iston rahbari Ostonada ShHTga a’zo davlat rahbarlari kengashi va “EKSPO—2017” xalqaro ko‘rgazmasi arafasida mudofaa vazirlari uchrashuvi o‘tkazilganligi muhimligini bildirdi.
“ShHTga a’zo davlat rahbarlari kengashida ikki yirik mamlakat — Hindiston va Pokistonni tuzilma a’zoligiga qabul qilish ko‘zda tutilmoqda. Shu tariqa, ShHT dunyo aholisining 40 foizini birlashtiradi. Biz uchun eng muhimi, yuzaga kelayotgan barcha masalalarni o‘zaro kelishuv asosida hal etishdan iborat”, — deb ta’kidladi Nursulton Nazarboyev.
Izoh (0)