Қатар билан дипломатик алоқаларни узган мамлакатлар сони ўнтага етди

Комор ороллари Қатар билан дипломатик алоқаларни узди. «РБК» хабарига кўра, бу ҳақда Комор ороллари иттифоқи Ташқи ишлар вазирлиги маълум қилган.

Иттифоқ ТИВ баёнотида таъкидланишича, Қатар элчиси Комор оролларини тарк этиши лозим.

Комор ороллари иттифоқи Африканинг шарқий қисмида, Ҳинд океанидаги Мозамбик бўғозининг шимолида жойлашган. У федератив президентлик республикаси ҳисобланади.

Комор ороллари Қатар билан дипломатик алоқаларни узган ўнинчи мамлакат бўлди. Бунгача Мавритания, Яман, Ливияя, Баҳрайн, Миср, БАА, Саудия Арабистони, Маврикий ва Малдив республикаси ҳам Қатар билан дипломатик муносабатларни тўхтатишга қарор қилган эди.

Мазкур мамлакатлар Қатарни террорчиларни, хусусан, ИШИДни қўллаб-қувватлашда айблаб чиқди. Бундан ташқари, уларнинг фикрича, расмий Доҳа бошқа мамлакатларнинг ички ишларига аралашишга уринмоқда.

Ўз навбатида, Иордания Қатардаги дипломатик ваколатхонаси даражасини пасайтириш ҳақида қарор қабул қилган.