Filippin hududida IShIDning taxminan 1,2 ming a’zosi jang qilmoqda. Bu haqda Indoneziya mudofaa vaziri Ryamizarda Ryakudu ma’lum qildi, deb xabar berdi “Interfaks”.
“Menga Filippinda IShIDning 1200 ta odami borligini bildirishdi. Ulardan 40 nafari Indoneziyada tug‘ilib-o‘sgan”, — dedi vazir Singapurdagi Osiyo xavfsizlik sammitidagi chiqishi chog‘ida.
O‘z navbatida, Filippin mudofaa vaziri o‘rinbosari Rikardo Devid Indoneziya tomoni keltirgan raqamlar uning uchun yangilik ekanligini bildirdi.
Filippin rasmiylari mamlakat hududida IShIDning bir necha barobar kam — 250 dan 400 nafargacha terrorchisi jang qilayotgan, deb hisoblardi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)